[詞作] 田岸

看板Create (音樂/詞曲創作)作者clcsy (雲且留住)時間14年前 (2012/01/10 16:52)推噓0(0推 0噓 0→)

留言0則, 0人參與討論串1/1

田岸（女）那一瞑枕頭邊開始有你做伴阮一天的生活開始有一點點的不相同吃飯要準備兩只碗生活也有你骨力逗打拼每日講話鬥嘴鼓甚至是冤家相打卻是愈打愈黏愈鬥愈相偎（男）那一日阮帶妳惦惦行佇田岸做田人的生活阮問講妳甘有法度習慣冬天風吹不驚畏寒出日亦是大粒汗小粒汗每日天未光出門甚至是雨來霜凍不過這片田園會養咱到飽（女）青色的稻仔漸漸翻紅有米香阮甲你親像兩隻田嬰飛來田底做巢討生活看你拿鋤頭大步走佇面頭前就算是風颱落雨阮的心嘛袂驚惶（男）黃色的香瓜漸漸熟透有果香阮甲妳親像兩隻蝴蝶艱苦快樂逗陣過生活看妳將咱的嬰仔揹佇尻脊骿幸福溫暖的形影陪伴阮流汗打拼（合）水水的蒲仔漸漸牽藤有菜香等待開花結子好收割日子顧會飽才會快活看咱的腳步一雙一雙留佇田岸就親像一首歌謠是尚美麗的和聲日頭黃昏照著厝簷看囝仔在家門前玩刺桃物仔幸福二字就是按呢寫吧（男）這片天是一首詩聽妳念給阮來聽（女）這條長路是一首歌聽你唱給阮來聽（合）路不驚歹行被單有妳才會溫暖才袂孤單這首詩最末一句就交給妳（你）來寫這條歌有妳（你）來唱就尚好聽手牽手行佇田岸逗陣老逗陣行手牽手行佇田岸逗陣老逗陣行註釋：尻脊骿：背部（台語音：ㄎㄚˊ ㄐㄧㄚˋ ㄆㄧㄚ鼻音）。蒲仔：瓠瓜。刺桃物仔：玩具。創作部落格～小三子的寫字樓～ http://tw.myblog.yahoo.com/clcsy-blog/ -- ※ 發信站: 批踢踢實業坊(ptt.cc) ◆ From: 120.126.130.185