[新聞] 謝天華王君馨街頭鬥放/郭晉安讚冇架子：哥哥同我跳舞

看板HK-drama (港劇)作者namiy (不喊痛.不一定没感覺)時間13年前 (2012/06/07 14:58)推噓6(6推 0噓 9→)

留言15則, 5人參與討論串1/1

謝天華王君馨街頭鬥放早前傳背妻與無綫小花袁嘉敏撻着的謝天華，獲太太百分百信任後，日前晚上8時多與另一小花王君馨於灣仔拍攝新劇《法網狙擊》，全程風騷如昔，兩人未埋位前先當街整理收音器，先是王君馨不拘小節地在女工作人員面前伸手入衫內於胸前左攝右攝，成功收好咪線；天華亦拉高外套，無意間露腩，發現記者鏡頭後，貪靚的他急急拉好衫遮肚，力保型男形象。之後兩人埋位拍攝街頭看流星雨的浪漫戲份，王君馨浮誇地興奮大嗌，可惜頻頻NG，只見她向天華尷尬大笑及伸脷，天華則大方地搭住對方膊頭以示支持。 http://orientaldaily.on.cc/cnt/entertainment/20120606/00282_017.html ============================================================================== 謝人夫有緋聞?! 沒注意到 =_=||| ============================================================================== 郭晉安讚冇架子：哥哥同我跳舞郭晉安甫出道便被指貌似張國榮（哥哥），更被喻為哥哥接班人，曾有唱片公司為他推出唱片並展開歌唱事業。他憶述當年得哥哥親臨錄影廠鼓勵，令他畢生難忘！我喺95年獲唱片公司垂青，推出首張亦係唯一一張專輯《一分一刻一點也願意》，當時我前途好浮沉，希望出唱片可以幫到我，想製造話題提高知名度。當年好多人話我似張國榮（哥哥），更有人話我係佢接班人，我當然冇所謂啦，但最怕係哥哥會介意，原來佢好照顧新人。有次我喺廠度拍劇，哥哥當時已經好紅，佢喺隔籬廠做嘢仲過嚟我個廠，問導演需唔需要替身，佢份人真係好好，好有陽光活力。有次喺台慶，哥哥拉咗我出去同佢一齊跳舞唱歌，佢同我講做新人咩都要試，有機會就要把握。我有聽佢講，可能佢都捱過，見到仲捱緊嘅藝人會作出鼓勵。最令我印象深刻嘅係哥哥打算封咪嗰一年，我同佢又喺無綫錄影廠遇到，佢主動問我有冇興趣睇佢演唱會，我當然答有啦，只係擔心買唔到飛啫！結果佢即刻叫助手拎四張飛畀我，仲問我咁會唔會去睇，我話梗係會啦！我當時好感動，冇諗到一個天王巨星咁好人，咁冇架子。唱唔起會唔會打算再出唱片？唔得啦，咪當係當年付出過嘅回憶算喇！有朝一日我退休，起碼唔會有一樣嘢未試過。唱歌我玩唔起，其實我近年都有同容祖兒合唱電視劇嘅主題曲，又擔任佢演唱會嘅嘉賓。我仲幫李克勤做咗十場嘉賓，我喺紅館唱一首歌都咁大壓力，成個人攰到散晒，所以做歌手真係唔易o架！（明日待續）口述：郭晉安　筆錄：影視組 http://the-sun.on.cc/cnt/entertainment/20120607/00470_030.html ============================================================================== 近日Bobby跟郭晉安訪問真不少... -- ※ 發信站: 批踢踢實業坊(ptt.cc) ◆ From: 220.132.56.42 ※ 編輯: namiy 來自: 220.132.56.42 (06/07 15:06)