[新聞] 等待高潮　梁琤

看板HK-drama (港劇)作者Bsitsp (心雨)時間13年前 (2012/07/06 01:11)推噓18(18推 0噓 2→)

留言20則, 19人參與討論串1/1

http://ppt.cc/ogkJ 等待高潮　梁琤「打女」梁琤跟「模界」楊崢，經常被混淆。我問一位九十後的朋友：「知道梁琤是誰嗎？」她說：「楊崢？」她從電視、雜誌上知道楊崢，但就不知梁琤是誰。不知道是正常，皆因她出道的那一年，朋友才剛一歲，而她近年在港的曝光率極少。就連梁琤自己都說：「從來都冇高潮過。」出道廿一年的她說很想有部代表作，那團火「從來都冇停過！」梁琤自覺幸運，「第一套戲已經係女主角。」但她希望有高潮來臨。代表作近年，香港藝人紛紛北上搵人仔，梁琤亦不例外，她更可說是較早的一批，「總之係岩我的角色，去到邊度我都做的，只不過係咁岩前一段時間，這些角色都係大陸演出多的，咁就在大陸囉。大陸機會多些就肯定啦，十三億人同八百萬人喎，錢就OK啦，哈哈。」錢是搵到，不過她自覺事業高潮、代表作通通欠奉，個人認為，電影《黑貓》是梁琤的代表作，但這是九一年的作品、亦是她第一部電影，出道廿一年，她仍然希望有部代表作，心中那團火，依然存在，「好坦白講，我暫時真係從來未覺得有個好的成績出來，除了《黑貓》叫做大家認識的作品，仲未有一部俾到大家睇的好電影。因為我從來都冇高潮過，所以唔存在低潮呢個問題，哈哈。」陰影梁琤憑《黑貓》奪得九二年香港電影金像獎的「最佳新人獎」，以為從此一帆風順，但跟她簽了六年約的公司出現問題，令她不能夠外出拍戲，頓時令她由天堂掉進地獄，「有失望 ?！因為剛剛撻起個火，之後又淋熄了，唔係因為紅唔紅的問題，只係想繼續拍好多好戲，有喊 ?！因為那陣時唔係太多人可以問到意見，屋企同個圈又係另一個世界，我亦都從來唔會將唔好的情緒帶返屋企。」直至九五年，她因拍攝電影《影子敵人》的一場爆炸戲意外燒傷右手，休養了四個月，爆炸一刻，她以為自己人生跟事業都通通玩完，「那刻係好驚，如果我成身著晒火點算？那陣時的火『蓬』一聲，正常反應係用手遮住塊面，但我心諗：『如果遮住塊面，個鏡頭因為影唔到我個樣就浪費了。』我就遞高了少少手，就係因為咁我先至燒傷隻手。」出了火場，她一第時間要鏡！「嘩！真係爆炸頭、我眉毛沒了、眼睫毛沒了，個嘴成個漢堡包，當時都未知道隻手有事，後尾先至知道，原來隻手成層皮甩了。」這次意外，令她留下一生不能磨滅的陰影，除了每次拍攝爆炸場面的時候，她都不停叫人小心點、要噴多點水，「而家一撻gas爐著火，會驚，有種無形的壓力，會驚一撻那下，好似成座大廈都會爆，所以到而家我都係用電子爐。」攝灶罅梁琤是家中的大家姐，對下有三個妹妹及兩個弟弟，小時候父母在大埔開設租單車店鋪，中五畢業後，她在瑞士住過四年學法文，於九○年參加亞洲小姐而入行，今年四十三歲她仍是單身，她尷尬地笑：「呀，好醜呀，哈哈，剩番我未嫁得出，我阿媽在屋企已經有條灶罅俾我攝。」細佬妹都已經結婚，所以她毫無壓力，拍不拍拖、結不結婚都沒有所謂，「我同阿媽講已經當了佢係我個女，以後佢的日子就由我去照顧佢啦。」現時沒有拍拖，她笑說原因可能是打女形象深入民心，「唔知這些人係咪覺得我好打得呢？唔敢埋身呀，哈哈。好多時有些新的男性黎，大家識了一段時間之後，跟住突然間問一句：『你係咪好打得?』咁我話：『咁你要唔要試一下?』佢話：『啊，唔使啦！』」 **************************************************************************** 她拍的港劇真的好少啊～　雖然她自己說沒什麼代表作，但我覺得只是少了點運氣像曉翠和福雅我覺得都很棒呀～而且她真的好正！這陣子電視大戰，可以請TVB把她挖回來拍戲嗎？>//////< -- ※ 發信站: 批踢踢實業坊(ptt.cc) ◆ From: 60.245.65.178

推

sizuku2

07/06 01:11, , 1^F

07/06 01:11, 1^F

推

kzzoz80

07/06 01:16, , 2^F

07/06 01:16, 2^F

推

Felix6

07/06 04:55, , 3^F

07/06 04:55, 3^F