[新聞] TVB「愛回家」計劃救港視棄將

看板HK-drama (港劇)作者wasabi1 (wasabi)時間12年前 (2013/10/23 06:27)推噓19(19推 0噓 9→)

留言28則, 15人參與討論串1/1

TVB「愛回家」計劃救港視棄將王維基主帥電視台發牌無望，隨即裁員320人，旗下台前幕後頓感前路茫茫。身為業內「一哥」，無綫決定大開方便之門，成立「愛回家」計劃，並設熱線呼籲港視棄將主動聯絡求職。不少「叛將」聞訊表示熱烈歡迎，且不排除約滿後回巢的可能。香港電視網絡主席王維基申請免費電視牌照慘遭滑鐵盧，旗下員工前路頓成問題，由於台前幕後不乏業界精英，無綫方面本着愛才之心，昨日正式成立熱線，呼籲有志繼續於視圈發展的人士聯絡他們求職。這個名為「愛回家」的計劃，分別於藝員科及人事科成立兩條電話專綫及傳真號碼，歡迎任何被裁的港視員工查詢，昨晚更在節目《東張西望》內公布詳情，並播放一條由兩大熱門視帝黎耀祥及陳豪拍攝的「愛回家」短片。無綫企業傳訊部副總監曾醒明昨證實相關決定：「最主要係吸納番啲人才，只要對電視行業有熱誠嘅，無論喺TVB做過同未做過嘅都同樣歡迎，但會優先處理舊同事個案，其他會按需要再作決定。」對新措施表現受落「愛回家」一推出，曾効力無綫的藝員紛表雀躍，包括早前被「欽點回巢」的駱應鈞，他接受電話訪問時坦言：「點都係好事，不過我同王維基方面仲有年幾合約，可能要等件事再明朗化啲，我先可以決定到自己嘅去向。」至於80年代加盟無綫、先後兩度離巢的林嘉華亦稱：「上兩次返無綫都係幫手做救兵，再返去就第三次喎！佢哋今次嘅決定當然係件好事，我依家返唔返去都仲未知，但對於有誠意嘅機構，當然唔排除合作嘅機會，不過一切當然要以劇本行先。」身為王維基同窗的艾威一直被指身份敏感，不過談到無綫伸出善意之手，他似乎亦相當受落：「點都係好事。（唔驚尷尬咩？）雖然我同王維基係同學，但都要簽合約o架，我同佢嘅合約到明年3、4月，當然想繼續喺演藝事業發展啦，講真，我同無綫好多高層都有保持聯絡，前晚仲喺公眾場合撞到樂小姐（樂易玲），大家都有打招呼。（佢同你提回巢？）咁又冇，太多人唔方面嘛。」張可頤嚮往自由身至於與香港電視仍有八個月合約的綠葉藝人張松枝，對該計劃大表支持：「呢個做法會令我哋舒服啲。」不過他表示為尊重現有合約，暫不會想是否重投無綫，又指收入暫不成問題：「我啲糧仲係照出。」昨日在微博透露巧遇發哥的他又補充謂：「發哥有問我依家搞成點，話唔得嘅唔緊要，可以返大陸。」而張可頤直言嚮往自由身的生活，短期內都不會返無綫，並澄清自己財政無問題。此外，港視多名藝員分別在前晚及昨晨在政府總部集會，包括廖碧兒、林文龍、唐寧、郭鋒等，林文龍感謝市民送食物及湯水。無綫「愛回家」熱線電話：藝員科專線（藝員專用）：51951970或51951978 傳真：23357363 人事科專線（幕後人員專用）：23352371 傳真：23352299 文：影視組 Source: http://orientaldaily.on.cc/cnt/entertainment/20131023/00282_001.html 徐子珊胡杏兒歡迎舊將歸隊無綫設熱線大開方便之門，旗下藝人均舉腳贊成。徐子珊透露近日也有留意事態發展，當獲悉香港電視未獲發牌時，也替一些舊同事憂心，幸公司於這個時刻伸出援手，子珊讚做法很好：「公司有咁嘅行動梗係支持啦！可能有啲舊同事真係有咁嘅需要，又唔知應該點做，就可以透過呢個渠道去尋求協助。」而胡杏兒亦表支持：「地球係圓嘅，最緊要係對雙方都有好處，我梗支持舊同事啦！希望呢個行業百花齊放。」忙於拍攝新劇的薛家燕，直言收到藝員科同事有關短訊，她說：「我都好歡迎一班舊同事返嚟，公司係需要人才，四海之內皆兄弟，一定要互相支持做好件事。」劉丹就表示早前無綫流失的台前幕後都是人才，惟世事難預料，他謂：「既然公司大門打開，希望佢哋全部都歸隊啦！大公司係需要咁做，表明大量，一哥唔可以小器。」至於鄭丹瑞亦謂：「出面好多人都係無綫出身，公司好應該咁做，話晒以前一齊打過仗，共同努力過。」何麗全有名單欲聘20人電訊盈科電視及新媒體首席副總裁及製作部總經理何麗全，對於香港電視解僱或遣散的員工，在公司原則上，只要他們有才能、有需要下會盡量聘用，現階段梅小青和劉家豪手上已有份名單為數約20人考慮當中，而藝員方面無論有無合約都歡迎。有線急需大量主播至於有線娛樂有限公司執行董事曾展章，表示有線亦有相關行動準備中，公開招募日的宣傳片亦將會很快播出，他表示為了準備免費頻道和2014年的節目，公司需要大量主播和藝員，問到人數大約多少，他則表示沒有設定限數，只要適合便會聘用。 Source: http://orientaldaily.on.cc/cnt/entertainment/20131023/00282_004.html -- ※ 發信站: 批踢踢實業坊(ptt.cc) ◆ From: 112.119.69.76

推

kzzoz80

10/23 08:30, , 1^F

10/23 08:30, 1^F

推

allizon

10/23 08:41, , 2^F

10/23 08:41, 2^F

推

ycarol

10/23 11:38, , 3^F

10/23 11:38, 3^F