[新聞] Chilam為幾十萬爭櫈仔

看板HK-drama (港劇)作者wasabi1 (wasabi)時間12年前 (2013/12/15 08:15)推噓7(7推 0噓 1→)

留言8則, 6人參與討論串1/1

Chilam為幾十萬爭櫈仔【太陽報專訊】張智霖與鍾嘉欣最近齊封「馬國視帝、視后」，成為台慶視帝、視后的頂頭大熱。Chilam坦言今年是入行21年來回響最大的一年，而入行9年的嘉欣目標10年內奪視后，有望於今年實現！張智霖（Chilam）憑《衝上雲霄II》「Cool魔」一角爆紅，劇集明年更會拍成電影版， Chilam希望原班人馬上陣，並希望「Cool魔」繼續花弗！對於被看好視帝非他莫屬，他笑說：「平常心，同TVB拍劇咁多年，幾乎一年一套，證實冇拍劇換獎呢樣嘢，冇諗過角色回響咁大，但監製陳維冠話實得，有啲嘢往往估唔到就會發生，今年係大豐收嘅一年。」諗定致謝辭入行21年的Chilam被問到「視帝」獎項是否太遲？他說：「喺娛樂圈好似跑馬拉松，唔棄權就有機會。如果真係有獎攞，都係累積分數。」他自覺稱帝機會五十五十，但亦會先準備謝辭。對於老婆袁詠儀不睇好他奪視帝，他笑說：「我贏咗佢話請我出街食3個月飯，唔得就要我送6位數字嘅鑽石手鈪畀佢，所以唔攞唔掂o架，大家幫幫手唔好令我破費！」至於入行9年的鍾嘉欣，目標10年內奪視后，榮升「馬國視后」的她被看好再下一城，她說：「唔會因為咁而加強信心，今年好彩有《巨輪》同《玩嘢王》，令觀眾有好多機會睇到我演出，如果今年唔得咪出年囉！」嘉欣亦已想定謝辭做好攞獎準備，她說：「我唔會好似喺馬來西亞咁爆喊，上次上台開心到一片空白，今次會諗定講乜，唔想漏咗多謝人。」 Source: http://the-sun.on.cc/cnt/entertainment/20131215/00470_030.html -- ※ 發信站: 批踢踢實業坊(ptt.cc) ◆ From: 42.3.162.47