[新聞] 《夜班經理》華語版全新主演陣容曝光

看板HK-drama (港劇)作者woodgatel (woodgatel)時間3天前 (2026/03/18 03:12)推噓2(2推 0噓 1→)

留言3則, 3人參與討論串1/1

《夜班經理》華語版全新主演陣容曝光劉青雲陶大宇相隔34年再合作 George跟影帝學嘢盧慧敏與彭于晏有秘密？由陳健朗執導全新華語版劇集《夜班經理》，係翻拍自美劇《The Night Manager》，於香港、澳門、曼谷、北碧府及布吉取景，既保留原版嘅懸疑氛圍、緊張節奏，亦有全新主演陣容！之前已經公布彭于晏、劉青雲、梁洛施、李若彤有份參演，至於新陣容當中，George歐鎮灝飾演全新原創角色Franco，身為賴志強（馬來西亞演員李銘忠飾）嘅兒子，亦係劉青雲飾演嘅「反派」郭禮儒核心犯罪集團嘅重要成員！George有機會跟青雲對戲學嘢，真係開心C！另外，陶大宇所演嘅全新原創角色江來發，就係劉青雲所演角色嘅舅父，二人係同期藝訓班同學，自《大時代》後相隔34年再合作，真係回憶滿滿！Amy Lo盧慧敏就喺劇集第一集出演關鍵角色阿寶，同彭于晏飾演主角陳通有不為人知嘅連結，亦係推動陳通展開臥底行動嘅核心關鍵人物！吳嘉龍所演嘅Harry Garrigan，又同陳通有複雜關係，事關Harry Garrigan一角係背負黑暗秘密嘅愛爾蘭影子特工！ Amy同吳嘉龍過往都曾經同彭于晏合作，相信今次再聚頭一定默契十足！而李若彤所演嘅廉政公署調查員霍敏兒，其團隊成員就分別由陸駿光、朱天、鄧濤所演。小編都介紹吓劇集內容係講到，曼谷翡冷翠酒店夜班經理陳通（彭于晏飾），表面溫文爾雅，背後就隱藏住一段源自香港白崗羈留中心嘅黑暗往事。商業大佬郭禮儒（劉青雲飾）涉嫌非法軍火交易的證據曝光，陳通受廉政公署鐵腕調查員霍敏兒（李若彤飾）招募，潛入郭禮儒嘅商業帝國以掌握對方嘅核心罪證。同時，陳通仲要面對同女友張雪（梁洛施飾）難以割捨嘅感情，佢又會點樣面對臥底行動嘅種種危機呢？ https://reurl.cc/lpROnQ -- Joe Girardi Jim Tracy 真弓明信 -- ※ 發信站: 批踢踢實業坊(ptt.cc), 來自: 219.100.37.239 (日本) ※ 文章網址: https://www.ptt.cc/bbs/HK-drama/M.1773774727.A.83B.html

[新聞] 《夜班經理》華語版 全新主演陣容曝光

[新聞] 《夜班經理》華語版全新主演陣容曝光