[新聞] 街邊「遊蕩」發呆 74歲許冠文見老婆即笑

看板HK-movie (港片)作者boschno1 (佳祐)時間8年前 (2017/07/19 20:54)推噓2(2推 0噓 1→)

留言3則, 3人參與討論串1/1

http://hk.apple.nextmedia.com/enews/realtime/20170716/56927046 現年74歲嘅影壇「冷面笑匠」許冠文，同老婆鄭潔英結婚45年，平時出街秤不離鉈，十分恩愛，堪稱圈中嘅模範夫妻。日前(上月23日)下晝約4點半，《蘋果》見到許冠文竟然單拖現身銅鑼灣，身邊唔見老婆。見佢喺白沙道幾乎逐間逐間，由零食舖、到藥房再到護膚品店，許冠文都企正喺門口駐足唔郁，一時擔天望地、一時又擰轉身向番出馬路，之後佢再行去一間賣天然食品同日用品嘅店舖，望幾望就行入去，喺舖頭氹氹轉，試勻搽椰子油同唔同種類嘅cream喺手背。再行多一轉，望望手錶，本身一直維持慢動作嘅許冠文，個樣突然好似甦醒咗咁，急急腳行返去對面馬路。等咗一陣，就見到許太施施然喺商場行出嚟，而許冠文亦好自然咁，貼實老婆一齊行。之後兩公婆就再喺附近鞋店睇鞋，老婆試鞋嗰陣，許冠文就識做企喺門口等，不過許太喺鞋店就未見斬獲。二人等七人車司機期間，許冠文就耷低頭同老婆傾偈，間中仲「手口並用」七情上面，老婆就一味點頭回應，相比起喺條街個發呆樣，許冠文對住老婆明顯生猛晒。70歲嘅夫妻，其實恩愛起上嚟，都可以好閃！老許感覺90年代跟現在看起來好像沒什麼老化......，許冠傑就差比較多 -- ※ 發信站: 批踢踢實業坊(ptt.cc), 來自: 114.39.108.122 ※ 文章網址: https://www.ptt.cc/bbs/HK-movie/M.1500468866.A.A63.html