[新聞] 影片紀錄傳統戲曲發展向望珍貴藝術代代湠

看板Palmar_Drama (布袋戲劇)作者CCY0927 (茹絮夢)時間4年前 (2022/08/25 21:11)推噓2(2推 0噓 0→)

留言2則, 2人參與討論串1/1

公視新聞網 https://news.pts.org.tw/article/596810 影片紀錄傳統戲曲發展向望珍貴藝術代代湠林思皓謝季潾 / 臺北報導發布時間：2022-08-25 19:15 更新時間：2022-08-25 20:04 https://www.youtube.com/watch?v=OzAFQ6wX-o4

臺北市文化局今年出三支傳統藝術的紀錄片，是布袋戲、歌仔戲、京劇的發展佮傳承，希望傳統藝術、會使一代傳過一代。斟酌弄掌中的尪仔，布袋戲大師陳錫煌今年已經91歲矣，猶原咧為傳承傳統藝術拍拚，伊嘛向逐家講出伊的煩惱。布袋戲藝師陳錫煌講：「毋是親像較早，咱較早若搬戲，著無，棚跤攏有人，你這馬若去搬一棚戲，棚跤攏無人」仝款面對傳承危機的歌仔戲，現此時嘛做一寡仔創新，希望吸引閣較濟少年人來看，甚至加入劇團。歌仔戲劇團團長孫榮輝講：「這馬就比較，就較美感，予遐的少年講，做歌仔戲，小生小旦攏遮爾媠，我嘛想欲參加」無論布袋戲抑是歌仔戲，佇傳承的道路頂懸，攏會面對語言失傳的問題。歌仔戲資深演員王金櫻講：「字袂正、腔袂圓，親像一班有遮爾濟的，我佇咧遠遠按呢咧教學生，我看伊的喙我就講，來、來、你來，你唱毋著，伊講老師你哪有聽著我咧唱，我講我看你的喙形就知影你唱毋著」布袋戲操偶藝師陳錫煌講：「你閣較gâu搬，伊台語就袂曉聽，著無，創彼字幕，字幕創落去，伊這寡仔藝攏免，免看藝矣啦，伊干焦看字幕就好矣」台北市文化局廿五發表今年出的三支紀錄片，分別紹介布袋戲、歌仔戲、京劇的發展佮傳承，向望遮的藝術佇台灣會當一代一代傳（thng5）落去。 -- ※ 發信站: 批踢踢實業坊(ptt.cc), 來自: 114.40.14.244 (臺灣) ※ 文章網址: https://www.ptt.cc/bbs/Palmar_Drama/M.1661433117.A.D92.html

[新聞] 影片紀錄傳統戲曲發展 向望珍貴藝術代代湠

[新聞] 影片紀錄傳統戲曲發展向望珍貴藝術代代湠