[新聞] 文化部推傳藝培育計畫望囡仔認捌傳統文化

看板Palmar_Drama (布袋戲劇)作者ykkdc (ykk)時間2年前 (2023/04/30 22:31)推噓3(5推 2噓 6→)

留言13則, 7人參與討論串1/1

文化部推傳藝培育計畫望囡仔認捌傳統文化 https://news.pts.org.tw/article/634227 鄭雅文林郁凱 / 臺北報導發布時間：2023-04-27 19:15 更新時間：2023-04-27 20:25 文化部參傳統藝術中心，做伙推出第一屆的"Go young培育計畫"，對4月開始安排各種傳統藝術團隊，到全國的學校表演，希望予囡仔會自細漢就接觸布袋戲、歌仔戲，這寡傳統的台灣藝術。(本則新聞標題、內文、導言皆為臺文) 布袋戲行落台跤佮囡仔互動，予新北市秀朗國小的小朋友攏真歡喜。學生：「較早無接觸著這塊，但是這改看了我感覺真趣味。」為著欲予囡仔也通對細漢就接觸傳統文化，由文化部、國立傳統藝術中心等做伙宣佈啟動頭改的Go young培育計畫，將對今年4月開始到11月，將佇9个合作的縣市開始，予傳統藝術進入學校表演抑是參囡仔到表演所在看戲，有超過200間學校，按算有4萬个囡仔參與，其中有1/3是偏鄉學校。國立傳統藝術中心主任陳悅宜：「阮希望會當培育兒童戲曲的編劇，希望予囡仔會當認捌而且愛家己的文化。」傳藝中心表示，有超過50個演藝團隊加入計畫，像布袋戲，歌仔戲，皮猴戲和傳統音樂等等，希望囡仔閣較認捌傳統文化。薪傳歌仔戲演出總監張孟逸：「像阮劇團有一个烏姑娘，就是"灰姑娘"。阮用西方的故事改編做歌仔戲，接觸了後其實大漢伊可能就袂遐爾排斥歌仔戲，這臺語我聽無，我就無愛去。」有劇團就表示，予囡仔較早接觸傳統表演，囡仔就會當提早感受著傳統文化心適的所在，先有興趣才會進一步去投入，傳統文化才有機會開枝散葉。 -- ※ 發信站: 批踢踢實業坊(ptt.cc), 來自: 61.71.8.219 (臺灣) ※ 文章網址: https://www.ptt.cc/bbs/Palmar_Drama/M.1682865104.A.D03.html

[新聞] 文化部推傳藝培育計畫 望囡仔認捌傳統文化

[新聞] 文化部推傳藝培育計畫望囡仔認捌傳統文化