[轉錄] 拾憶港園：翻開土炮地圖音樂

看板CantonesePOP作者rururuby (rururuby)時間15年前 (2010/02/03 23:11)推噓9(9推 0噓 1→)

留言10則, 8人參與討論串1/1

（香港）[蘋果日報]2010-2-3 from http://rubyurl.com/FASm 身處Web 2.0世代，每逢年頭年尾，總有大批網民在Blog或Xanga忽發雅興動筆回顧年度之歌，甚或「Kai歌總選」都有人講。可踏入Twenty Ten該有的一整個十年唱片總結呢？似乎又不大有人癲到花這工夫。不說白不說，專業點評回望千禧，找來903 DJ細So和資深樂評人馮禮慈，聚焦香港製造中文專輯，也在這樂壇日益邊緣化的情況下，嘗試找出路。馮禮慈資深樂評人，辦過音樂雜誌《Top》，亦曾擔任《號外》及《豁達音樂誌向》總編輯，家中一度擁有數千張唱片，對廣東歌發展瞭如指掌。蘇耀宗（細So）商台叱吒903 DJ，主持《903專業推介》倒數流行歌，結果足以影響每年叱吒樂壇流行榜頒獎禮派發的成績單。 2005最得談到香港樂壇，不少人都會想到「每況愈下」這四個字，然而馮禮慈坐下來，抬頭望向天花板細想，指出過去十年出版數千張中文唱片，質素並非走下坡：「過去十年頭半段是差的，論作品水準來說，2005年最好，很多勁o野，如陳奕迅《U87》，仲有好多新人出道，謝安琪、方大同、王菀之、側田、衛蘭、Soler，全部都是實力派，李克勤又出《演奏廳》、何韻詩就有《梁祝》……」不過，眼見寶島巨星浪接浪殺到，難道我們還要騙自己粵語歌曲沒失勢？細So認為：「棒棒堂你點會覺得佢地d歌好聽？對唔住，我真係接受唔到。」馮禮慈補充：「過去十年只有一個周杰倫在香港紅，真正的威脅其實來自內地。」是的，對比人家台下十年功，香港人的急功近利巿場導向，放諸音樂確實容易死得快。所以十年過去，當美國還在聽Hip Hop、對上一代是聽Rock時，香港樂壇已經歷四大天王、華星×英皇、Rap及唱作人四個年代，細So直言好恐怖！「好彩在o依家(現在)領導樂壇d人，係『外星人』，好似方大同、王菀之，唔係(不是)用香港人o既(的)思維去創作音樂。」至於廣東歌會否沒落，言簡意賅的馮禮慈輕輕一句概括：「只要廣東話一日唔(不)消失，就一直會有廣東歌！」二人三Picks 怎說細So和馮禮慈都隔了一代，加上訪問分開進行，原以為是各自表述十大唱片，卻不約而同選中了以下3張，音樂品味這回事，從來無分五六七八十後。 (A) 《大懶堂》LMF（2000） So：「好似每個社會底下都需要有一班人，唱歌好做藝術好，要同政府或憲制有少少抗衡，外國出現係Rockband，但香港則似乎係LMF既聲音最大，佢地原先玩Band Sound，但組成 LMF後就玩Hip Hop，講o既題目卻係Rock band應該要講o既，又影響之後好多人，例如農夫。」慈：「華語樂壇第一張Hip-hop Rap加有粗口o既Hardcore Rap唱片，令到粗口歌入屋，有好大社會意義。」 (B) 《What Really Matters》何韻詩（2007） So：「由《千千萬萬個我》開始，好搖滾好Glam，又有少少似椎名林檎，不過好似入型未入格，但去到《木紋》我開始搵到(找到)何韻詩自己那個Tone。」慈：「本來想揀《Ten Days In The Madhouse》，係幾十年來全個華語樂壇近乎唯一真係關注弱勢社群o既主流唱片，但阿詩唱得好吃力，d歌唔係咁(歌曲不是很)Accessible有少少可惜。呢張都好深，但有《木紋》、《紅屋頂》呢d好聽o既歌，容易Reach到，平衡d講覺得樣樣(每一樣)都比《Ten》好啲。」 (C) 《On Wings Of Time》王菀之（2009） So：「佢寫歌o既方法同其他市面上聽到o既流行歌唔同，我地平時先用樂器寫Chord後再譜 Melody，佢係寫Melody既人，而且似花慢慢咁開、似藤蔓慢慢咁延伸，十二首歌可聽到有十二個王菀之。」慈：「佢將香港主流樂壇，同獨立另類o既Cutie Pop拉埋一齊(結合一起)；作為創作歌手，優勝在個人風格，一聽就知係佢。」其他十大馮禮慈's Picks 《麥兜故事電影原聲大碟》群星（2001）「整張唱片內容不符大眾對『熱賣唱片』o既準則，幾首古典歌改o既歌詞，唔知邊個細路唱，但Hit到街知巷聞。」《我的廿一世紀》黃耀明（2003）「香港Chamber Pop終極典範，台灣、大陸都無人好得過佢。」《天演論》盧巧音（2005）「呢張係華語樂壇幾十年來，音樂、意識同歌詞最深奧o既一張，常說香港樂壇膚淺o既人，去大陸、台灣試試搵張咁深o既碟俾我睇吓吖！(去大陸、台灣找一張像這般深奧的碟給我看吧!)」《李克勤演奏廳》李克勤（2005）「係首張主流唱片同時做HiFi發燒碟，嘗試將兩樣o既結合，強調即場演奏又用好新o既編曲，有中樂有古典有New Age；採CD/DVD出版，所有o野加埋，開拓香港流行歌新一頁。」《What's Going On？》陳奕迅（2006）「幾乎係十年來最經典o既香港流行歌大碟。一張碟有五六首Hit歌，而且曲詞俱佳。」《介乎法國與旺角的詩意》My Little Airport（2009）「以往香港搖滾樂對社會的控訴係『呯拎彭欄』咁鬧(意思是很吵鬧地去罵)，但MLA就用一種好柔和好Hea(慵懶)既方式，外國都好少見，帶少少搞笑又好直接咁去鬧，如《瓜分林瑞麟三十萬薪金》、《邊一個發明了返工》等等直接針對人和事的控訴。」《力量》夏韶聲（2009）「回歸七八十年代的Classic Rock，由鼓、結他、Bass，錄完一個樂器再錄一個，香港近十年都無人咁玩。用一個全面中立客觀豁達o既角度去講政治社會議題，其實好難，但一個成熟社會，應該要多d咁o既o野！」細So's Picks 《The Easy Ride》陳奕迅（2001）「屬英皇年代，我唔知外界點解唔接受，但對我來講每首歌都有唔同風格，那年代陳奕迅是最立體。」《Swing Swang Swung新歌+精選》Swing（2002）「Eric份人好重Melodic；Jerald卻是很Groovy的人，兩個人做出來的聲音，2000年之前沒聽過，之後有很多人模仿！」《絕響．我把聲音留在一九六九》羅文（2003）「羅文在我心目中係比較娘(比較老土的意思,並非指女性化)，但一聽呢張唱片先發覺原來我出生o既呢個年代，我唔認識羅文。」《10號》梁漢文（2003）「o個期好興(那時期很流行)Concept Album，喺梁漢文身上發揮得最好，有好多歌如《七友》、《披頭四》，唔同數字底下都有唔同曲風，由音樂到幕後班底甚至宣傳，都同足球同朋友有關，我覺得咁先係Concept Album。」《三字頭》林海峰（2005）「唔係誇張，試聽《男子組》真係聽到喊，平日林海峰喺我面前係『黑面人』，唔出聲，但首歌居然能夠咁坦白去講一個人完結三字頭既心聲。」《音樂大亨》農夫（2006）「係呢個世代入面幾重要o既一張碟，Rap文化由軟硬數落去有LMF，之後就係農夫。」《橙月》方大同（2008）「行內人都覺得呢張唱片編曲、錄音、歌詞同唱法都做得好好，又出奇地街外(市面上)賣得好好，係大眾入面認受性最高o既一隻碟。」後記或許是我自小缺乏安全感，幾乎所有事情都要有實物才覺踏實地「擁有」，所以很喜歡買唱片，中學時代未過世的奶奶總會偶爾將一、兩百元往我手裏塞，我便立即飛奔到旺角信和買唱片，就算自己生日，也著好友最好送我唱片；但傳聞家中有數千隻唱片的馮禮慈今天也對我說，現在不會Keep唱片了，噢，或許將來有一天真的會「無CD買」，那時我該收甚麼禮物呢？ -- http://www.facebook.com/KhalilFong -- ※ 發信站: 批踢踢實業坊(ptt.cc) ◆ From: 218.102.112.171 ※ 編輯: rururuby 來自: 218.102.112.171 (02/03 23:21)