[新聞] 盧海鵬爆你陰毒攞你命

看板HK-drama (港劇)作者meihome ( )時間16年前 (2009/09/10 10:35)推噓1(1推 0噓 0→)

留言1則, 1人參與討論串1/1

盧海鵬爆你陰毒攞你命本新聞轉貼自：星島日報 http://news.sina.com.hk/cgi-bin/nw/show.cgi/17/1/1/1259171/1.html 2009-09-09 今期最紅，除了模之外，就是盧海鵬。鵬哥扮周秀娜一幕，不足一個星期便在youtube創下十三萬多的點擊率，飾演木村拓杉一段，更早已超過二十萬。不懂上網看youtube的鵬哥聽完冇乜反應，說對周秀娜毫無認識：「都唔知邊個係周秀娜，我扮嘢嗰時佢都未出世啦，不過個廣告都幾好睇。」訪問鵬哥前便知道，這位前輩火氣較大，說話亦很喜歡使用助語詞。傳聞不假，這次訪問中，出現得最多的字，將不會是的的了了，或鵬哥的名字，而是×。 ×，代表所有你想像得到的廣東話粗言穢語。若果你在看這篇訪問時覺得太粗俗，我會代他說聲對不起。雖然鵬哥最有可能的反應，會是一句「得」落嚟話：「咪×睇囉！」這才是真正的盧海鵬。講真，聽在耳中，我只覺過癮和好笑，何況鵬哥其實也是一個和藹的長者。鵬哥的好嘢之處，除了扮嘢耍家之外，就是可以令粗口變成悅耳動聽的助語詞。發老脾爆陰毒演藝生涯四十年有多，鵬哥說自己今時今日，脾氣已經好了很多，雖然拍攝時的鵬哥一樣火氣十足，不時以口頭禪與工作人員溝通，現場聽得最多的是「點×樣？」、「搞×掂未呀？」同「乜×嘢呀！」。「我話你聽，扮嘢就最緊要架撐夠，唔係就點都死。早幾年做亞視我試過拍枱走人啦！叫我扮王傑冇問題，點知得一個頭套同一件醫生袍，我話整件牛仔衫褲都好吖！又話冇，跟手仲要喺個台後面播王傑ＭＴＶ，我真係睇一睇火又高啲、再睇一睇火又高啲，最後×一聲除低個頭套就揸車走人。」當鵬哥駕着電單車離開時，當晚節目的一眾編劇、導演、監製以至高層，一字排開在門口望着鵬哥，卻冇一個人敢出聲。「直頭好似送客咁！」鵬哥說。當晚高層多次向鵬哥「say sorry」，更誓神劈願說明天一定冇問題。「返到去一打開個櫃，十幾個頭套放喺度，仲同我講話『鵬哥，呢度全部都係你口架！』，我忍唔住講『×！鶽家至嚟講！一早又唔做？』」現場直播時，鵬哥亦最喜歡「爆陰毒」，特登以出位的爆肚對白或動作，引同台對手發笑，製造現場喜劇效果。「當年《歡樂今宵》，我扮女人背住個鏡頭除衫，觀眾就淨係睇到我個背脊，我就事前偷偷地喺心口貼兩個十字遮住兩點，你話後面班×××（杏色加橙色）點×樣忍到笑？呢啲就叫做爆陰毒喇！呢樣嘢係要做直播至得，現場冇得cut仲唔攞你命？錄影冇得玩，轉頭就畀人剪×咗！」極速變身鵬哥現時拍攝亞視《香港亂嗡》，再以扮鬼扮馬招數成為一時佳話，扮嘢早就駕輕就熟的鵬哥，由落廠車到換衫化妝開工，前後竟然不用十分鐘，實在快得驚人。由當年第一次扮嘢做盲俠勝新太郎開始，鵬哥扮嘢從來沒有思想準備。「導演話扮邊個咪邊個囉！我都唔知邊個係周秀娜，鶽家先知咁哄動。」生於廣州的鵬哥，六十年代便與兄弟們在街頭做大戲，七十年代游水來香港，先後做過紗廠、針織廠工人，七三年以三十歲之齡，考入ＴＶＢ藝員訓練班。「我由細到大都係鍾意做戲，落香港前已經喺廣州做了樣辦戲歌舞團團長，一到香港就想入娛樂圈拍戲，不過當時香港電影就係得色情片同武打片，兩樣都唔×啱我，惟有入電視台啦！點知第一、二屆都只收廿五歲樓下，我當時廿七歲，超齡啦！諗住冇行，點知佢又咁×好笑，無啦啦第三屆就放寬年齡限制，十六到三十五都得，咁我仲唔即刻報名咩！」第一次做電視，鵬哥印象最深是《歡樂今宵》的即場廣告，他將「食總督每個星期送金牛」講成了「食總督晚晚送金牛」，事後被廣告商笑着鬧：「鵬哥，我哋邊度有咁多金牛送呀？」八、九十年代的鵬哥，在演出完《歡樂今宵》之後，便會回家小休一會，凌晨點半鐘便到如國際夜總會等地方登台，可說是他最好搵、最風光的年代。扮肥姐最麻煩鵬哥扮過的角色，實在多到數唔晒，鵬哥說扮嘢最緊要就是detail位。「扮嘢最緊要就係小動作，唔可以扮到十足十，最好就係將個人嘅缺點放大，誇張少少加少少料，但又唔可以醜化，唔係人哋會憎你。咁多年來，係籮記試過笑笑口咁同我講，嗱你等住收我律師信啦！其實佢講笑啫，後尾我同佢同台演出，佢仲借埋私伙衫畀我着，話咁樣似啲喎！」不過，鵬哥坦言最怕扮女人，特別是扮肥姐最麻煩。「一扮親女人就要三件頭，首先要打底就熱到出熱痱、高踭鞋着到腳抽筋、戴胸圍就『硬』到胃痛，當中最辛苦就是扮肥姐，咪以為扮阿肥好易搞，扮佢要前凸後凸至似，我初時仲唔知死，仲縮起個膊頭扮卸膊，戴住個胸圍真係『硬』到個胃痛×足成個禮拜！」問鵬哥可有甚麼秘訣能夠教導後輩？「一定要做到娛己又娛人至過癮，自己有興趣至可以做到有心得，先至可以好玩。」做到唔記得為止鵬哥沒有想過退休，希望可以一直做到自己冇晒記性為止。「無能力咪唔做囉！唔係為生活，不過唔做嘢好悶口架！當年波叔（梁醒波）咁大年紀，都仲日日晨早着定衫返工，我都係學前輩嘅榜樣。」不過，鵬哥亦說若果記性不如從前，其實想唔退都唔得。「你知啦！家陣啲後生仔唔同以前，好×巴閉，阻住收工真係會有人畀說話你聽口架！」鵬哥八九年移民加拿大，在多倫多搞過卡拉ＯＫ、也在香港和大陸搞過印刷廠、傢俬廠甚至是甜品店等，不過全部都成歷史。「咁多年都係畀錢人做生意，自己冇時間睇，做生意從來冇賺過一毫子，始終都係做戲至啱我。」鵬哥多年來都是一個人獨居美孚，太太不在身邊，一個兒子在加拿大，兩個女兒都在香港生活，雖然各有家庭，不過每個星期日都會和鵬哥飲茶食飯。「冇人敢同我講話叫我休息，見我仲行得走得，咪繼續做囉！」年近七十歲的鵬哥，除了八七年患過糖尿病外，身體一直冇病冇痛，不要說當年的鵬哥，是從大陸游水來香港，他更曾是水球隊成員，差點便參加了第一屆全運會，難怪鵬哥火氣仍然可以咁猛，今年八月更會到西雅圖登台。鵬哥扮周秀娜時，要穿上38F巨型胸圍。鵬哥說：「扮女人搞到我個胃『硬』足成個禮拜。」鵬哥這一幕扮周秀娜街頭剝衫，成為網友討論的熱點，相信周小姐發夢都估唔到，自己個名會同盧海鵬擺埋一齊。扮野無難度經典之一盧氣廷〈陪着你嘔〉，其實係笑到你嘔。〈幾許瘋語〉扮羅文，經典歌詞是「身處高峰曾共阿姐天天都相見，偶爾碰上了秋官步伐未凌亂。」鵬哥認為最難搞就係扮女人，當中更以扮肥姐係辛苦到胃痛成個禮拜。鵬哥教你扮小鳳姐，就是除了波波裙外，每唱完一句歌詞都要歪一歪嘴。老實講，離遠一睇絕對以假亂真，木村拓哉同木村拓杉，果然只係爭少少。我撐0靚模鵬哥雖然連周秀娜都唔識，遑論其他模，不過對現時的模文化，卻大為支持。「模不過係後生女，搵到個方法去表現自己，又冇話做其他嘢，都幾好呀！搵食啫，總好過啲細路淨係識得上網打機啦！書展都要有咁多人去排隊攞簽名至有用口架！唔係就算佢哋唔着衫行出嚟都冇人理啦！」前輩畢竟是前輩，扮模冇問題，不過拍照時想請鵬哥「擔番口大雪茄」，卻被鵬哥以影響形象為由拒絕。「×！鶽家拍電視劇都唔可以食煙啦！仲叫我拎住支雪茄。」訪問途中《香港亂嗡》監製葉成昌拿了一份報紙專欄給鵬哥看，文中以「藝術家」形容鵬哥，他的反應是：「藝術家？藝術家使×半夜三更放工追廠車咩？」誠然模當道，「藝術家」如鵬哥也要扮周秀娜才能再「升呢」。不過，在鵬哥的心目中，連杜琪峯都只不過是「成日搵我做黑社會大佬嘅嗰兜友仔」。模？又點會放在眼內？鵬哥以前揸開電單車，鶽家年紀大惟有搭亞視廠車。「夜晚收工遲一班車要等半個鐘，十點半一收工，仲唔即刻換衫落妝搭十點八班車走呀！」 -- ※ 發信站: 批踢踢實業坊(ptt.cc) ◆ From: 203.64.246.10

[新聞] 盧海鵬 爆你陰毒 攞你命

[新聞] 盧海鵬爆你陰毒攞你命