[新聞] 錢國偉：要有noise
錢國偉：要有noise
本新聞轉貼自：東方日報
http://orientaldaily.on.cc/cnt/entertainment/20090911/00282_028.html
錢國偉（Wilson）是無綫的「金牌監製」，出名橋多、計多、緋聞亦多，他引用總經理陳
志雲的話：「做一個成功電視人，一定要有noise。」
無綫監製分為綜藝科、戲劇組不同部門的監製，可以擔當各大show監製又拍劇拍戲的，暫
時只有Wilson一個。在無綫廿三年，由辦公室助理做起的他，得到前無綫節目總監陳寶珠
提攜，轉職做《香港早晨》助導及兒童組任助導，其時遇上好友鄭伊健及周星馳，但兒童
組並非他愛做的長居地，他恨拍MV，執導完鄭伊健做的節目《青春節拍一小時》後，如願
調到音樂組。所謂有麝自然香，Wilson為郭富城、楊采妮等拍了多個難忘的MV，為李克勤
拍的《紅日》MV更奪得獎項。
籌拍港女電影
之後Wilson遇到另一伯樂黃家亮，被委重任拍香港小姐外景，此後，監製大型節目如台慶
、香港小姐、香港先生、受歡迎的《獎門人》、《殘酷一叮》、《耳分高下》、《味分高
下》、《美女廚房》等，捧紅了一班「天使」，製作部總監何麗全又找他拍《四葉草》系
列電視劇。Wilson說：「拍劇時間長，又比較人性化，我份人怕面對現實又心急，拍完又
要等剪片、等播出街先知成果，我鍾意有即時反應，做大型節目就即刻有收視，我比較鍾
意！」
目前Wilson最想拍電影，正構思拍港女題材電影的他承認壓力甚大：「我希望拍到一套同
電視劇唔同嘅戲，依家香港電影畀人覺得小兒科，羅傑承嘅budget已經比普通電影多，我
都唔想佢蝕本。講到港女，佢哋已經要乜有乜，點解都要做咁多好搏嘅嘢呢？我都有問吓
班『天使』嘅意見。」
招搖鹹濕監製
愛去派對的Wilson，被拍得夜蒲時背後總有班靚女「天使」、「生果」或「粥粉麵飯」跟
出跟入，因而被冠為「鹹濕監製」，為此他被高層何麗全「照肺」：「佢有提我唔好過線
，唔係啲女仔要小心，係我哋要小心。（你捧出嚟嘅『天使』都成日造新聞？）適當嘅新
聞係啱嘅，但唔係負面新聞囉！人哋見到我同啲女仔嘅新聞，會話我招搖，但聰明嘅觀眾
會知道呢啲係宣傳，陳志雲都教我：『一個成功電視人，一定要有noise』。」
圖片標題 :金牌監製錢國偉，身邊總有班天使包圍。
圖片標題 :錢國偉力捧的「藍莓」劉俐，挾美味天使之名出寫真。
最佳拍檔
http://orientaldaily.on.cc/cnt/entertainment/20090911/00282_029.html
合作過的藝人當中，有不少令Wilson印象深刻……
最多拗撬：曾志偉
「大家都好尊重佢，佢對節目好嚴格，一定要有新嘢，一定要拗先OK！好在佢又好接受意
見。」
最怕最敬畏：汪明荃
「我好怕亦好敬畏佢，佢講嘅嘢好有point，佢永遠準時綵排，有人遲到，佢會話：『點
解叫我六點鐘到！』」
最開心：沈殿霞
「同佢合作真係好開心，做《歡樂滿東華》年年佢都會帶個打邊爐嘅煲返嚟，阿姐、志偉
、嘟姐又會帶魚蛋、水餃咁一齊食，好後悔嗰陣冇影到相。」
最死黨：鄭伊健
「我同伊健耐唔耐都會去日本潛水、旅行，佢冇拍拖時，啲雜誌寫佢好寂寞，其實我喺佢
隔籬，不過張相次次都cut咗我。」
最佩服：陳志雲
「喺佢身上學到好多嘢，特別係EQ同口才，佢好開通，唔係個好嚴肅嘅老闆。」
--
※ 發信站: 批踢踢實業坊(ptt.cc)
◆ From: 203.64.246.10
HK-drama 近期熱門文章
PTT影音娛樂區 即時熱門文章