[新聞] 搵料＋嗌交＋幻想　編劇生活忙到爆

看板HK-drama (港劇)作者hongkonger (拉闊港劇板)時間16年前 (2009/11/18 02:06)推噓12(12推 0噓 25→)

留言37則, 10人參與討論串1/1

來篇關於編劇的訪談好了，不過內文有很多口語對話、怪字，囧。本新聞轉貼自：2009年8月19日 FACE 先別談什麼大台壟斷、慣性收視等問題，一套劇集能夠成功，其實要各方面配合，不論是宣傳或演員，但最重要還是有個好劇本，而許多經典對白、有趣的角色名，均出自一眾編劇手筆。像入行近10年的無線編劇Mary，曾參與《珠光寶氣》、《鳳凰四重奏》等劇集，能夠寫這麼多劇集，除了憑熱誠，還要過幾關，「我哋好多行業未做過、好多地方都未去過，要將故仔寫得有趣同逼真，除咗搵齊資料，又要靠想像，係腦裏面預演一次個故事，仲要拗贏同事，贊成個橋段，先可以落筆去寫，真係日日都勁忙。」「點解求婚一定要跪係度？」「尐女人唔係覺得咁先似求婚咩？」「成日跪好悶啫……」在無線電視的編劇會議室內，經常會聽到大家你一言我一語，談論着某套劇的劇情安排，剛30出頭的Mary，便是其中一員。「我哋每日都要坐係度，一齊度個劇情發展，成日都會咁樣爭拗0架，不過咁樣幾好吖，可以集合眾人既意見，令觀眾更加有共鳴。」先寫天書搵主角現時無線的編劇約有80人，視乎劇集的長短而分組，20集的短劇約由4至5位編劇負責，而 30集以上的長劇則有5位或以上。「劇集既題材一早就定好，跟住我地會開會，將主要人物、性格、背景等，寫成『天書』畀唔同部門，好似藝員組、道具組等做參考，方便監製去搵演員等。」接下來，便是每天冗長的會議，「每日要開會度每一集嘅內容，通常一傾就傾5集，然後每人寫1集。雖然每集寫既人都唔同，但因為人物性格同內容已經定咗，例如個角色好火爆，就要貫徹始終，唔會突然變咗好怕事；同埋有啲人物有口頭禪或者講鄉下話，都要一路跟番。仲要寫埋時、地、人、環境等，細微到例如主角會用杯水淋對方，連杯水放係邊都要寫埋，總之每寫一幕，都要自己幻想成個情況係點。」邊飛紙仔邊拍劇通常一集稿約要寫2萬字，須於4日內完成，「有時趕住拍30集既劇，寫咗15集就要開拍，咁我地就要『飛紙仔』，即係一路拍緊、一路度之後幾集既劇情，一寫好就要即刻畀監製，等佢地即刻拍，我試過連續成個禮拜開夜，由早上寫到凌晨3、4點先收工。」由於每集稿由不同編劇操筆，始終不夠統一，所以稿件最後會交給編審執稿，入職逾10年的Pion便是與Mary合作的編審，「每一組編劇都會有1位編審，收到每人既第一稿後，就要執稿，令到尐對白、劇情等連貫番，有時佢地寫得唔好，會要求佢地寫過。」不過寫劇集，最傷腦筋和花時間的，便是根據劇集題材做資料搜集。「例如年代背景、說話方式和衣着等。」又如拍一些專業人士為題材的劇集，像《妙手仁心》、《壹號皇庭》等，便要安排與醫生、律師等會面做research。「之前我寫《珠光寶氣》就會同尐珠寶設計師見面，學吓點分鑽石、點樣切割鑽石等，都幾好，可以接觸多尐人，開左眼界。」寫有錢人靠想像專業人士可以安排，像《珠光寶氣》中的有錢佬，便要憑自己幻想，「我哋會睇好多雜誌，透過尐訪問去估啲有錢人嘅心態，有時都會用一尐名人作為借鏡，抽取其中一尐性格，好似賀峰就好似李嘉誠，白手興家，但唔會全部炒足。」有趣的是，有時他們幻想出來的情節，竟跟現實中相似，「好似我地寫賀峰有創傷後遺症，點知後來睇雜誌，先知郭炳湘都有呢個病，真係好蹺，但尐人以為我地影射佢。」《珠》片曾被網友抨擊劇中的有錢人不似有錢人，Mary卻淡然面對批評，「始終我地未過過有錢人既生活，好多野都係想像出黎，當然冇可能完全一樣，盡左力就得。」此外，還有很多資料冇得問，「我地冇得出外景，《珠光寶氣》有幕講陳豪同黎姿去左西藏，我自己都冇去過，真係頭都大埋，惟有上網睇好多資料，又入公司圖書館搵下書，後來見到西藏有間咖啡店，就打電話去問下，係咪真係存在，唔係寫左落去，劇組去到搵唔到就弊。又要憑幾張相，靠自己想像個地方係點，繼續寫個劇情。」寫好了劇本，並不代表完成工作，可能會被要求修改劇本。「演員改對白都係小事，最麻煩係有時監製為左慳budget，會要求修改劇情，大家會互相協調再諗下點改，好似主角因（才查）車撞車而入院，最後將場戲改做主角過馬路，俾架車撞親囉。」不用背書讀電影 Mary於2002年加入無線，04年開始寫電視劇本，5年間參與過超過5部劇集，包括《愛情全保》、《Click入黃金屋》等，還有（才羅）獎的《鳳凰四重奏》、台慶劇《珠光寶氣》等，亦算參與過大製作，但之前她曾經灰心得想放棄做編劇。 Mary自細是電視精，什麼節目都愛看，到大學時又貪浸大的電影電視系不用死背書而入讀，「我份人好懶讀書，貪呢科唔使點溫書，又可以成日走堂，先揀黎讀咋。」上堂接觸多了電視和電影，開始漸漸愛上，決心往此行業發展。00年畢業後，獲中國星聘請，滿心喜歡下，卻被閒置了1年。「個時中國星岩岩開左間製作公司，我入去做trainee ，人工得7千幾，又要成日開會寫電影劇本，點知寫足1年，做左好多野，最後一個劇本都冇拍到，間公司仲執埋笠，令我好洩氣。」後來她加入亞視，寫過由陳啟泰擔任主角的《吉祥任務》，人工雖然過萬元，但滿足感不大，做了1年便轉投無線。非戲劇組似PR 無線有戲劇和非戲劇之分，最初阿May被派入非戲劇組，負責做一些綜藝節目，如港姐選舉等，「雖然都叫編劇，但似做PR多尐，得3成時間係寫稿，其餘7成係對外，要度run down、安排嘉賓出場次序，同傳媒交涉等，有時做捐錢節目，連張支票都要自己整埋，有尐錄影騷，返到屋企仲要edit啲字幕，好辛苦。」辛苦之餘，最慘是遭到冷言冷語，「我要即場同嘉賓對稿，有時尐對白太長，佢哋講唔到，就鬧我係咪玩佢，唔肯講尐對白，要我全部改晒佢。」在非戲劇組做了年多，意興闌珊下，Mary曾離職接其他製作公司的編劇freelance做，約半年後才再入無線戲劇組工作，雖然捱更抵夜寫稿，但人工好左，而且做得開心。「我好希望第時可以寫到部代表作出黎。」《珠光寶氣》仲唔夠代表？「呢部劇寫足1年，由我好鍾意到之後好唔鍾意，尤其係面對陳豪同黎姿段感情，拖拖拉拉，自己都寫到好忟憎。不過，開心既係，呢套劇係另一個新嘗試，我地想寫人既勾心鬥角，要係心理上描述，而唔係用死人冧樓呢尐場面，去堆砌套劇，雖然套劇收視麻麻，但都叫做試過新野。」對創作的人來說，最不能墨守成規，夠膽作出新嘗試，已是成功的第一步了。晉升階梯電影公司、電視台和製作公司都會聘請編劇，分戲劇組和非戲劇組，以無線為例，以往每年都會招聘數位編劇，一般要求大學程度，及語文能力良好，入職會由初級編劇開始做起，慢慢可升做編審，負責統一稿件，以及與監製開會；至於人工和晉升機會，好睇工作表現，粗略估計如下：編審 10年或以上經驗，約$30,000或以上 ↑ 首席編劇 6年或以上經驗，約$20,000或以上 ↑ 高級編劇 3年或以上經驗，約$15,000或以上 ↑ 編劇 1年或以上經驗，約$10,000或以上 ↑ 初級編劇毋須經驗，約$8,000或以上後記：做唔停跟Mary做訪問，關卡重重，透過外事部提出訪問後，要經編劇部的秘書再預約，訪問時談不夠1小時，已經不斷被人趕，「佢地要開會喇。」「阿姐搵人呀，你地得未？」要再約影相，亦被多次改期，原因不是TVB麻煩，而是Mary真的超忙。「我依家趕緊套新劇，邊套就唔可以透露，每日返公司就開會，返屋企就寫稿，真係好忙，連沖涼都要諗住尐劇情呀！」最後多得超nice的她，抽出午飯時間半個鐘，極速影相，辛苦晒。 -- ※ 發信站: 批踢踢實業坊(ptt.cc) ◆ From: 210.6.119.242 ※ 編輯: hongkonger 來自: 210.6.119.242 (11/18 02:07)

推

pattda

11/18 02:13, , 1^F

11/18 02:13, 1^F

推

Monoprix

11/18 02:15, , 2^F

11/18 02:15, 2^F

→

pattda

11/18 02:15, , 3^F

11/18 02:15, 3^F