[新聞] 馬浚偉明年離巢北上吸金

看板HK-drama (港劇)作者wasabi1 (wasabi)時間14年前 (2011/08/15 13:29)推噓54(54推 0噓 112→)

留言166則, 20人參與討論串1/1

馬浚偉明年離巢北上吸金 ■馬浚偉感謝栽培自己的人。 ——無線製作縮皮演員失望採訪：植毅儀　攝影：彭子文　場地：頂好海鮮酒家　TVB深宵翻播《金枝慾孽》劇情吸引大批電視迷追捧，無他的，只因製作認真。相反，黃金點半檔期的《紫禁驚雷》收視麻麻之餘更有眼利的網友發現部分戲服是翻穿《金枝慾孽》。無線近年實行緊縮政策，出埠拍劇基本已成絕響。難怪主角之一的馬浚偉(馬仔)也坦言對公司心灰意冷，決定明年把發展重心放在內地。　馬浚偉在《紫禁驚雷》中飾演御前侍衛實際上是一個臥底，和馬國明飾演的二王爺互相利用，已達自己目標，此劇就好像是清裝版的《無間道》。本來這種宮廷爭鬥戲應可以吸引觀眾，但看新劇，總覺得怪怪的，想深一層是佈景出了問題，連主角之一的馬浚偉也無奈地承認。「其實古裝劇唔係隨便搭個廠就可以，特別是現在的觀眾都是識貨之人。無線好難拍到好的古裝，我對上一次出埠劇是四年前的《匯通天下》，有時在公司見到這些情況，自己都好心痛。就像我今次的主角聶多寶，明明是御前侍衛，但竟然連騎馬的場景都無。你試想纒一個御前侍衛左手拿刀，右手拿馬鞭，場面已經好睇好多。如果公司畀多小小資源，效果已經可以好好多。不過無計，現在租馬拍攝都好貴，如果遇著個藝人唔識騎馬又要找替身，咩都係錢，我只可以講作為演員，都覺得好可惜。在TVB有心有力的人好多，但有些事是無奈接受。」教新人只想個劇好　馬浚偉小時候住深水白田鸷，媽咪在他六歲的時候患上鼻咽癌，為生計16歲半便加入朗文出版社做營業助理。因為媽咪癌症先後三次復發，奪走媽媽的聽力、嗅覺和味覺。為令母親有更好的生活環境，成為歌手的馬仔27歲已經購入何文田豪宅，讓父母從公屋單位搬入千呎豪宅。遺憾的是，他在99年7月購入新居，同月21日，母親離他而去。本是潮州人的馬仔性格好直，但唔識佢的人卻覺得他好「寸」，所以坊間傳言報道他常在片場扮一哥教人而且要話晒事。「雜誌話我『大支№』兼『扮勁』，咩要話晒事，煮咩、打燈甚至部camera點影我都要管，我只能講在呢個圈18年，我真係咩位都識。假如有一日我唔拍劇，你叫我去做打燈、去做PA，或者去做導演我都知道要點做。我入行初，郭鋒、大宇( 陶大宇)、啟華(吳啟華)見我做得唔好都會開聲教我，話我。跟Ken哥（鄭則士）合作《金石良緣》，他說我欠缺眼神，我即練眼神。祥仔(黎耀祥)同我傾計話我太錫聲，要我用勁一點，難道我要告訴大家他們在扮一哥？我唔怕教人，做人要遇強愈強。新人拍清裝隻手點擺，真係要有人教。我唔忍心個劇出到街畀人笑、畀人罵。我有睇粵劇，知道蘭花手要點擺，TVB又無人教。人要無私，人教我、我教人，全部№係咁累積回來。我本身是黑白分明的人，如果真係我做錯我會認。見到別人工作散漫，開工遲到我會出聲，但唔係你遲一次我就出聲，係4至5次我才出聲。有人曾告訴我，時代變了，我那一套不合時。但我深信準時、盡責、飲水思源是做人應有的原則，做鰦咁多年，我心中團火仍未熄，我深信娛樂圈始終有大批努力工作的同業。」痛失和胡軍合作機會　其實馬浚偉又真係有資格教人，近年他成為清朝劇的常客，只因他肯剃頭演出。但演得古裝多其實也有回報的，在馬仔口中，也因為演古裝，令內地不少製作人向他招手，每年也有不少劇本送往他手中，像最近內地劇《建元風雲》也有找他，可惜埋尾一腳卻未能成事，也令馬仔覺得十分可惜。「那套劇有胡軍、雯女（鄧萃雯）、阿呂（呂良偉）參演，劇本同條件我都好滿意，基本上咩都傾好晒，只差一步。因為我是TVB的合約藝人，拍外面的劇集先要獲公司批准。但最後因為公司小小№與對方公司談不攏，我便不能演出，好可惜。不過，我相信機會不止一次，而且等多幾個月，好多事都會明朗。近來亦有不少內地製作人向我招手，條件也相當吸引，而且內地市場龐大，我想未來會把工作重心放於內地。」謝珍姐陳生知遇之恩　其實馬浚偉和TVB的經理人合約快將滿約，有些事不用講出口，也明白馬仔會像阿佘(佘詩曼)、林保怡般離巢北上搵銀，但既然馬仔唔想從他口中講出來，那倒不如從筆者手中寫出離巢一事。　「拍埋小青姐鮋新劇，明年就和公司滿約。很多事情正在談，自己對前路是有期待。有幾家內地製作公司的合約給予了相當大的自由度。現在我拍劇的宗旨是劇本行先，價錢反而排第二位。我在TVB多年，其實同台前幕後相處得好開心，好多謝TVB的恩人，多謝珍姐 (曾勵珍)、陳生(陳志雲)、與叔(梁材遠)，也多謝TVB的劇為我開拓了內地市場，所以我應該是轉一個新的合作形式，同無線保持好的合作關係，希望有新的火花。」做鰦黑馬多年已睇淡　記者特發奇想地問了馬仔一句：「如果TVB畀個視帝你，會否可以挽留你的心呢？」馬浚偉唉了一聲說：「我唔會用個恨字去形容，有獎一定開心，我想做視帝，不過沒有也不失望，冇人話畀獎唔想要。但正因為提名鰦咁多年，都無緣做視帝，已經冇任何的唔開心。要獲獎要有天時、地利同人和，反而是02年憑曹植一角獲『我最喜愛的電視角色』，但失落男主角，係好失望。近年有好劇本給我發揮已經很心滿意足。」 Source: http://paper.wenweipo.com/2011/08/15/EN1108150016.htm -- ※ 發信站: 批踢踢實業坊(ptt.cc) ◆ From: 119.237.152.9

推

cattielin

08/15 15:12, , 1^F

08/15 15:12, 1^F

→

cattielin

08/15 15:14, , 2^F

08/15 15:14, 2^F

推

lword

08/15 15:23, , 3^F

08/15 15:23, 3^F