[新聞] 《天與地》收視新低湯盈盈拍劇偷揸車

看板HK-drama (港劇)作者Monoprix ( invincible )時間14年前 (2011/12/13 09:20)推噓31(31推 0噓 43→)

留言74則, 15人參與討論串1/1

《天與地》收視新低湯盈盈拍劇偷雞揸車佘詩曼嫌停播四日太耐 2012/12/13 蘋果日報 http://0rz.tw/ObOcm http://0rz.tw/M2Qyu 差強人意師奶逃亡收視新低《天與地》憑破格情節被網民追捧，卻令師奶大逃亡罷看，令收視越播越低，由首周平均收視 26點（約 166萬人），到第二周得 25點（約 160萬人）。昨日無綫公佈收視，《天》劇收視平均僅得 23點（約147萬人），比上周同時段跌了 5點，可說是無綫近年收視最差的劇集之一，連今年 2月的賀歲劇《隔離七日情》，在新春外遊影響下也有24點。至於被《天》劇編審周旭明視為馬戲表演的台慶頒獎禮，收視卻很理想，平均收視有 38點（約243萬人），而無綫方面也收到四個電話讚《天》劇題材新鮮。蝦碌鏡頭：陳豪鬍鬚時有時冇《天與地》雖屬破格之作，但畢竟是無綫劇，少不免犯下穿崩毛病。陳豪在劇中一向鬍鬚滿面，但第八集講述他等佘詩曼放工，當時畫面卻見到他突然剃了鬍子，只留有少許鬚。怎料轉過頭，講他到琴行彈結他時，雖然當時陳豪穿着同一件衫，但忽然又長回鬍子，髮型也有差別，明顯不連戲。 ▌▌▌ ▌▌▌ ▌▌▌ ▌▌▌ ▌▌▌ ▌▌▌ ▌▌▌ ▌▌▌ 醉駕刑期未滿　拍劇偷雞揸車　　湯盈盈涉停牌駕駛繼崔建邦去年涉停牌期間駕駛後，原來湯盈盈醉駕停牌期間也涉嫌違法駕駛。在上周五無綫劇《天與地》中，清楚見盈盈駕駛七人車在路邊泊車，不是起用替身也沒有使用拖架。盈盈昨日堅稱未有違法，律師黃國桐則指停牌期間駕駛是嚴重違法，分分鐘會被判監。現年36歲的湯盈盈08年底因醉酒駕駛撞傷電單車司機及女乘客，於 09年3月被判社會服務令 160小時及停牌一年。其間湯盈盈要拍攝無綫新劇《天與地》，劇中她飾演黃德斌太太，駕駛技術一向麻麻，但為方便照顧將來會失明的黃德斌，湯盈盈於是努力學習改善駕駛技術。泊車清楚見樣上月《天與地》推出不久，已有網民質疑湯盈盈停牌期間偷雞駕駛，當時她一一否認，強調是替身或上車架拍攝。事實上，之前湯盈盈揸車片段多是拍攝半身或遠景，未見她有犯規破禁。直至上周五第13集的《天與地》，卻清楚見到湯盈盈本人在馬路駕駛場面，不是替身，也不是使用拖架，今次在新劇斷正，湯盈盈可謂水洗都唔清。上周五播映一集，講述湯盈盈駕駛灰色七人車準備接囡囡放學，當時她欲將七人車停泊在路邊一部的士與私家車中間，由於湯盈盈技術欠佳，軚盤左扭右扭往前退後也未能將車泊好，最後倒車時不慎撞向尾後的士。當日鏡頭先見到一部七人車倒車泊位，之後鏡頭一轉，便見湯盈盈駕駛住七人車倒車，雖然僅是短短2、3秒，但已清楚見到湯盈盈面容，當時七人車在馬路行駛，未見使用拖架拍攝。由於未能成功將車泊好，湯盈盈於是將車駛前準備再倒車再泊，至於湯盈盈第二度倒車泊位片段中，同樣清楚見到是湯盈盈本人駕駛。最高判監三年據資深大律師黃國桐昨接受本報查詢時表示，停牌期間駕駛在香港是一種嚴重的違法行為，分分鐘有機會被判監。黃國桐說：「首先係不尊重法庭，因為叫咗停牌仲駕駛；其次係衍生到冇第三者保險；仲有好可能係不小心駕駛，冇盡駕駛者應盡責任。除非有好特別嘅理由，原則上規定一定會再停牌，而且會停耐好多，原本半年會有可能變年半，同埋原則上會坐監，最高可以去到三年，一般嚟講會係兩至三個月。」對於涉嫌在停牌期間偷雞駕駛，湯盈盈昨日接受電話訪問時說：「冇喎，有啲咁嘅事？」記者指鏡頭清楚見到她駕駛泊車，湯盈盈顯得有點吞吞吐吐說：「我未睇到嗰集，係唔係咁啱郁一郁，唔係揸車呀？我唔記得咗啦，係咪『屹一屹』、郁一郁咁咋？不過，maybe……我唔知呀，未睇到。」記者指《天與地》是她停牌期間拍攝，湯盈盈答道：「係呀，係停緊牌，所以我冇揸到。Maybe『屹一屹』、郁一郁咁囉！我真係唔知，答唔到你。」稱助手做替身之後湯盈盈再度接受訪問，強調自己未有違規，她說：「我拍劇期間冇揸過，如果拍揸車戲會有三個情況，第一係用替身，我助手Kelvin有做我替身，第二係用拖架，第三係人手推郁架車。」湯盈盈還出示她助手Kelvin做替身時與自己的合照以示清白。記者昨日曾致電《天與地》監製戚其義，但截稿前未獲回覆。 ▌▌▌ ▌▌▌ ▌▌▌ ▌▌▌ ▌▌▌ ▌▌▌ ▌▌▌ ▌▌▌ 佘詩曼嫌停播四日太耐佘詩曼日前在新加坡奪得亞洲視后，隨即到內地工作，昨日在中環出席纖體公司活動，日前張馨予疑因不滿男友吳卓羲只顧孖着徐子珊去梁靖琪婚後派對狂歡，而打破醋埕，在男友微博宣洩，最新消息竟辣到阿佘身上，指她狂黐吳卓羲出事，阿佘說：「唔回應啦，大家好清楚當晚邊個有去到。」阿佘直言對傳聞已成習慣，沒有感覺。唔覺大細超無綫劇集《天與地》編審周旭明在微博表達不滿，炮轟無綫因播《萬凰之王》及台慶頒獎禮而兩度停播劇集，主角之一阿佘聞言說：「旭明一向寫對白同劇本都好深奧，未真正睇佢寫乜唔評論，但停播四日對觀眾嚟講太耐。」阿佘又否認是因她脫離無綫親生女關係而遭大細超對待。周旭明的言論中亦戥藝員所下苦功不值，並指他的劇本更勝當年《金枝慾孽》，阿佘對此說：「我好鍾意個劇本，但收視係咪相等於受歡迎同演技，我係一個疑問，希望鍾意睇嘅觀眾繼續支持。」 ▌▌▌ ▌▌▌ ▌▌▌ ▌▌▌ ▌▌▌ ▌▌▌ ▌▌▌ ▌▌▌ 黃德斌、陳豪食人博掌聲被喻為年度推薦劇的《天與地》，冰封兩年，終於有幸破冰而出，雖然劇集播出兩周的收視未見理想，但數字不能代表一切，年輕一輩勁like，話題熱爆各個大小討論區。對於人食人這題材，陳豪和黃德斌表示這不過是藥引，其實是想帶出年少無知的階段，作出的一個決定，很可能會影響將來。撰文：何慧斯陳豪和黃德斌早前在電視城接受訪問時，相信《天與地》之所以具話題性，其實與題材有關，陳豪說：「人食人呢個題材係幾有爭議性，但我哋冇拖得太長同刻意描寫，只不過係個藥引，點樣因為呢件事而令到個人會有轉變，令人生有內疚感，對感情世界、身邊朋友有幾大轉變，全部都因為呢個題材。」德斌亦覺得：「當你年少無知時，作出嘅一個決定，好可能會影響將來，呢個係套劇嘅主線。」他們又說：「阿戚（戚其義）監製嘅劇，冇忠同奸、黑同白，只係唔同時間有唔同面孔，有時會忠，有時會奸，唔係想黑白咁話畀人知，只係想畀人感覺到，好多時有唔同選擇，唔係忠同奸咁簡單，佢嘅戲會複雜少少，好人有衰、衰人亦有好。」 Beyond歌曲惹共鳴戚其義更請來黃貫中唱主題曲及為插曲作曲，背景音樂亦動用了不少Beyond的音樂，以不一樣的時空交錯方法拍攝，確令人感到當中的無奈和莫名的哀愁情懷，但亦因為這原因，有網民覺得有影射 Beyond之嫌，陳豪與德斌說：「據我哋所知，用 Beyond嘅歌，係監製想話喺嗰個年代，玩 band sound最有代表性，就係 Beyond，佢哋嘅歌好代表年少輕狂、年少無知，同對人生嘅無奈，係想有共鳴感。」演黑仔的陳豪，今次的紋身大隻佬造型是個突破，有別過往的好男人形象，在旁的德斌亦笑說：「佢隱藏咗好多年，真係辛苦，呢鋪係 I'mback，我返嚟喇！」陳豪則說：「好多人鍾意睇我做奸，好多觀眾未見過咁多肌肉嘅我。我初初睇自己都唔慣，唔係好敢埋位，甚至拍完即刻走返上外景車，唔敢落嚟，要阿戚上嚟傾一輪先得。」少男情懷三人冧阿佘陳豪又稱終脫離好男人框框：「做演員不嬲都希望多啲發揮空間，我冇標榜自己係乜形象，只係因應部戲，如果成日都同一個樣，會好悶，我認為千祈唔好幫自己塑造任何形象，最緊要係做唔做到個角色出嚟。」德斌飾演失去食人記憶的Ronnie，對於他最終的結局，他說：「佢係個痛苦嘅人，亦可以話佢逃避，人可以有唔同選擇，結局係點？梗係唔講喇，留番畀大家慢慢睇。」他更說：「我覺得今次係浪漫情懷多啲，我哋三兄弟有男人嘅情懷，亦因為佘詩曼出現，令大家關係親密番。點解會咁對阿佘？好多人會唔明，你估萬人迷咩？一來係嗰件事有愧於阿佘，二來喺那些年，幾個男仔鍾意一個女仔有乜出奇？但當個女仔選擇咗個男仔，其他人都會好照顧佢，撞番更加關心佢，呢種係另一種情懷。」 ▌▌▌ ▌▌▌ ▌▌▌ ▌▌▌ ▌▌▌ ▌▌▌ ▌▌▌ ▌▌▌ 《天與地》上周收視再跌，平均只有23點，比對上一周下跌5點，流失32萬觀眾。周麗淇主演的《我的如意狼君》首周平均收視26點，不過不失。《歡樂滿東華》平均收視22點，最高25點，觀眾人數近160萬。 ▌▌▌ ▌▌▌ ▌▌▌ ▌▌▌ ▌▌▌ ▌▌▌ ▌▌▌ ▌▌▌ 師奶們，連本事哥都不看嗎.. Q____Q 才26.... -- ※ 發信站: 批踢踢實業坊(ptt.cc) ◆ From: 156.111.131.45 ※ 編輯: Monoprix 來自: 156.111.131.45 (12/13 09:32)

推

allizon

12/13 09:35, , 1^F

12/13 09:35, 1^F

推

goodcial

12/13 09:46, , 2^F

12/13 09:46, 2^F

推

lword

12/13 10:50, , 3^F

12/13 10:50, 3^F