[新聞] 《飛虎II》又出事

看板HK-drama (港劇)作者lygshhk (siying)時間12年前 (2013/09/29 22:05)推噓6(6推 0噓 1→)

留言7則, 7人參與討論串1/1

【飛虎II又出事】陰功豬！嘉欣BB受傷冇咗忽肉痛到標眼淚正在拍攝得如火如荼嘅TVB新劇《飛虎II》，今日又出事！之前王君馨同羅仲謙等人已經因為拍呢套劇受傷，今日馬神馬德鐘同鍾嘉欣去到屯門拍一個爆破場面，當馬神抱起嘉欣 BB逃跑時，失重心向前仆倒，甩手令嘉欣BB摔落地，嘉欣BB隻左手落地擦損，冇咗一小忽肉，盆骨撞傷，當場痛到標眼淚。馬神就向前打咗個筋斗，右手同膊頭受傷，不過冇嘉欣BB咁嚴重。 http://hk.apple.nextmedia.com/enews/realtime/20130929/51768593 【飛虎II又出事】出事連環圖馬神甩手向前仆《飛虎II》又有藝員受傷！今日係去到屯門拍爆破戲嘅鍾嘉欣同埋馬德鐘，今日呢組鏡頭都幾驚險，因為係重頭戲，嘉欣BB同胡定欣個角色都要被吊起幾層樓高，不過今次就有替身代勞。而爆破場面就走唔甩啦，劇情講做奸角嘅定欣脅持嘉欣，仲吊起佢，馬神要英雄救美，到拍第一次爆破場面時就出意外，開機後馬神向前跑四五步之後，身後嘅雜物就按時爆炸，馬神就失咗重心向前仆，俾佢抱住嘅嘉欣BB就跌咗落地，手腳都擦損。而馬神就向前打咗個筋斗卸力。睇嚟《飛虎II》場面都算真實，俾起依家播緊嘅《神鎗狙擊》，鎗戰同爆炸都係電腦效果，《飛虎II》真係有誠意得多。 http://hk.apple.nextmedia.com/enews/realtime/20130929/51768672 【飛虎II又出事】馬德鐘:首先要同嘉欣道歉今日TVB劇《飛虎II》去屯門拍爆破場面又出事，馬德鐘喺拍爆破場面抱起嘉欣逃生時，唔小心失重心向前仆，嘉欣就成個人跌落地，左手落地擦損，冇咗一小忽肉，真係慘慘豬 ! 意外發生之後，工作人員立即幫嘉欣用清水洗傷口，雖然嘉欣痛到喊，但佢仍然不忘慰問馬德鐘，而監製林志華立即停止拍攝，叫佢兩個上車休息，拍完即刻去睇醫生。問到嘉欣驚唔驚同頂唔頂得住，佢就眼紅紅點頭，然後又喊出嚟，之後平復情緒再埋位拍攝。而馬德鐘手上就貼咗膠布，佢話：「膊頭有啲痛，因為爆炸時失重心，自然反應傾前咗，唔好意思，首先要同嘉欣道歉。」胡定欣慰問完嘉欣之後話：「意外真係避免唔到，總之做足安全措施，嘉欣冇嘢，只係嚟得太突然，最緊要啲骨冇事，嚇親啫。」 http://hk.apple.nextmedia.com/enews/realtime/20130929/51768820 【飛虎II又出事】鍾嘉欣微博報平安笑住晒勝利手勢鍾嘉欣同馬德鐘今日喺屯門拍攝《飛虎II》爆破戲時出意外，當馬神抱起嘉欣逃跑時，失重心向前仆倒，仲甩手令嘉欣摔落地，左手擦損咗，冇咗一小忽肉，盆骨亦撞傷，當場痛到標淚。事後嘉欣去醫院治療，嘉欣為免粉絲及親友憂心，佢喺微博貼咗張喺醫院診症照片，相中嘉欣着住小背心，左手手貼?紗布，而醫護人員亦為佢處理傷口，見嘉欣笑晒口兼舉起V 字手勢，仲留言話：「大家不要擔心，我平安，我OK﹗我會快?好番架喇。」 http://hk.apple.nextmedia.com/enews/realtime/20130929/51768909 ========================== 乍看到是爆破戲出事真是嚇出我冷汗 = = 幸好只是滾地擦傷不過好像骨盆有撞到，希望沒事... 《飛虎II》真是....(抹汗) (是說這個時候記者還順便酸了狙擊一下 = =) -- ※ 發信站: 批踢踢實業坊(ptt.cc) ◆ From: 1.161.73.141