[新聞] 狂接6廣告荷包脹黎耀祥加價拆蟹

看板HK-drama (港劇)作者dokushi (我哋係wrong timing)時間16年前 (2009/10/02 12:11)推噓6(6推 0噓 2→)

留言8則, 5人參與討論串1/1

本新聞轉貼自：http://bbs.ent.163.com/bbs/tvb/153035628.html 黎耀祥憑《巾幗梟雄》柴九角色人氣勁升，除有望在今年台慶頒獎禮上奪取視帝寶座，更一口氣接拍了 6個廣告，繼家居用品和纖體廣告後，日前祥仔又應邀拍攝大閘蟹廣告，並化身成食神徒弟幫手煮蟹宴，實行名利雙收。正如柴九金句「人生有幾多個十年？」黎耀祥深明此道理，所以也趁着自己當旺密密接 job，除出席大小活動外，更一口氣接拍了 6個廣告，包括家居清潔用品、止痛膏、書包背囊、 Mence Beauty纖體公司及為東海．海都集團拍攝全新一輯的大閘蟹電視及平面廣告，保守估計進賬超過 7位數字。謙稱收優惠價日前祥仔到灣仔新鴻基中心的海都酒家拍攝廣告，今次原來已是祥仔第三年為該酒家做大閘蟹宴代言人，祥仔說：「之前仲去過陽澄湖拍，好似廣告雜誌形式咁推出。」問到今年有否因為柴九人氣爆燈而調整酬金時，他說：「少少啦，總之都係優惠價。」廣告中，酒家老闆楊克鳴以周星馳《食神》造型出現，而祥仔則充當其助手煮餸及招呼客人，祥仔笑道：「其實我只係作狀煮嘢食啫，我啲手勢點夠老細同班師傅好吖。」兒子深宵相伴由於祥仔當晚 10時許拍完《畢打自己人》後便趕到現場開工，酒家老闆特別預備了豐富晚餐讓祥仔醫肚，包括第一批運到香港的大閘蟹。至於祥仔老婆 Julia和兒子正橋當晚也陪伴在側，正橋例牌充當祥仔攝影師，祥仔說：「嗰晚我要拍通宵，個仔雖然第日一早要返學，但佢個心好野，點都唔肯返屋企瞓覺，結果佢留到成凌晨 3點幾先至俾我老婆拉佢走，真係俾佢激死。」　　採訪：林妃　攝影：陳俊強 http://tinyurl.com/ybjdvab 酒家老闆以《食神》造型出現，祥仔則充當其助手煮餸及招呼客人。 http://tinyurl.com/ybrcz7k 祥仔兒子正橋陪爸爸拍廣告兼當攝影師，竟留到凌晨 3點。 http://tinyurl.com/yew8wjm 黎耀祥第三年為酒家做大閘蟹宴代言人，雙方合作已默契十足。 -- ※ 發信站: 批踢踢實業坊(ptt.cc) ◆ From: 124.9.65.79