[地雷] 《學警狙擊》周海媚阿嫂登場

看板HK-drama (港劇)作者airblueway (airblueway)時間17年前 (2009/02/14 00:46)推噓8(8推 0噓 0→)

留言8則, 8人參與討論串1/1

無線新劇《學警狙擊》可以講係《學警雄心》、《學警出更》系列第三輯。今輯主角方面，男主角依然係苗僑偉、吳卓羲同陳鍵鋒，但女主角就換上江若琳同周海媚。成十年冇返無線拍劇的周海媚，一向都係做柔弱小女子角色，今次就來個大轉變，飾演一個在江湖上舉足輕重的江湖阿嫂，又同苗僑偉、謝天華兩個黑幫頭子大搞三角關係。總之阿嫂一出場，同依家人氣最旺的「魔術手」一樣，搞到江湖大亂。播映日期：2月16日起周一至周五晚9:30pm翡翠台及高清翡翠台周海媚一出，江湖風起雲湧。她周旋於苗僑偉同謝天華之間，除令兩人為爭奪地盤而戰之外，亦為這個江湖阿嫂而鬥。周海媚自從幾年前傳出患上紅斑狼瘡症之後，就再冇出現在電視圈，之後更專心在大陸拍劇，而佢在無線最後一部劇《天地豪情》已經係十年前咯，《學警狙擊》係佢重返無線第一部劇。開口話「十年人事幾翻新」，十年冇踏足電視城的佢，對手除了三哥（苗僑偉）之外，吳卓羲、陳鍵鋒、甚至謝天華，在佢眼中都係「新人」，唔怪得海媚話自己都係「老牌新人」。今次周海媚在《學警狙擊》入面，本來係黑幫大佬林利（杜亦天）的老婆程若芯，不單有把炮，在社團更係擁有影響力的女人；而苗僑偉就係俾林利陷害要在台灣坐監的江世孝。苗服刑期滿返到香港，唔使講第一件事梗係搵林利報仇，之後仲勾義嫂；林利俾人隊?之後，苗靠周海媚坐上龍頭位。本來佢想收陳鍵鋒同吳卓羲兩個做o靚，但陳堅拒與賊為友，吳本來以為可以藉此成為無間道，點知最後竟由效忠警隊變成效忠社團。當苗以為自己已得天下之際，卻殺出林利以前的得力助手謝天華，謝不特成為佢同周海媚之間第三者，更要脅其江湖龍頭地位。 -- 她是城府甚深的周芷若，她是柔情似水的沈文薏，她也是嬌俏動人的楊八妹，她更是楚楚可憐的小芙蓉，她是誰？她是我們最喜愛的「海味」--周海媚！ ˙今生無悔．鍾愛海媚˙，歡迎您的蒞臨。 http://www.wretch.cc/album/airblueway -- ※ 發信站: 批踢踢實業坊(ptt.cc) ◆ From: 114.40.176.226